Бүгүн Кыргызстандын футболчулары Малайзия менен беттешет. Футболду кайдан көрсөңүз болот?
2026-жылы өтө турчу Дүйнө чемпионатына тандоо турунун алкагында бүгүн, 16-ноябрда Кыргызстандын футбол боюнча курама командасы Малайзия менен ойнойт.
Квалификациялык D тайпасынын 1-турунун алкагында Кыргызстандын курамасы конокто Малайзиянын курама командасы менен беттеш өткөрөт. Оюн Куала-Лумпурдагы "Букит Жалил" стадионунда өтүп, Бишкек убактысы боюнча саат 19:00дө башталат.
Күйөрмандар үчүн түз эфир менен күйөрмандык кылуу аянты уюштурулат.
Тандоо турунун жыйынтыгы менен тайпадан эң мыкты эки команда тандоонун кийинки баскычына өтөт.
Эскерте кетсек, 21-ноябрда биздин "Ак шумкарлар" Бишкектеги Д.Өмүрзаков атындагы стадиондо экинчи беттешин Оман менен өткөрөт.
Акыркы жолу Кыргызстан менен Оман 2021-жылы ойногон. Анда 1:0 эсебинде Оман жеңишке жетишкен.
