Бүгүн троллейбустардын каттамы убактылуу токтотулат
1507
Бүгүн, 24-октябрда Бишкекте троллейбустардын каттамы саат 16:00дөн баштап убактылуу токтойт. Бул тууралуу мэриядан билдиришти.
Борбор калаа башкармалыгынын маалыматы боюнча, мындай чектөө КМШ, ШКУнун ЕАӨБ алкагында өтө турган расмий иш-чараларга байланыштуу киргизилип жатат.
Мекемеден троллейбустар саат 17:30дан баштап каттамга чыгарын айтышты.
Белгилей кетсек, 25-27-октябрда Бишкекте ШКУнун, КМШнын өкмөт башчыларынын кеңешинин жыйыны, Евразия өкмөттөр аралык кеңешинин жыйыны болот. Буга байланыштуу Бишкек шаарынын жана Чүй облусунун айрым көчөлөрүнө маал-маалы менен чектөө киргизилет.
Андан тышкары Бишкектеги жана Сокулуктагы мектептер, бала бакчалар 25-26-октябрда онлайн режимде иштейт.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/14794
