РФ жарандыгы бар мигранттарды согуштан баш тартканы үчүн жарандыктан ажыратуу сунушталды
Россия Федерациясынын Тергөө комитетинин башчысы Александр Бастрыкин орус паспортун алган мигранттар Украинага каршы согушка катышууну каалабаса, аларды жарандыктан ажыратууну сунуштады. Бул тууралуу аталган башкармалыктын басма сөз кызматы билдирди.
"Атайын аскердик операция жүрүп жаткан учурда, мен аларды атайын аскердик операцияга тартуу зарыл деп эсептейм, эгер сиз Россия Федерациясынын жараны катары өзүңүздүн аскердик милдетиңизди аткарууга даяр болбосоңуз, чечим кабыл алынышы керек. Мындай адамды жарандыктан ажыратуу зарыл", - деди Бастрыкин.
Буга чейин мындай сунушту Россиянын Тергөө комитетинин башчысы айтып келген. Анын айтымында, мигранттар атуулдук менен катар милдеттерди да алышат, анын ичинде армияда кызмат өтөө милдети да бар.
"Атайын аскердик операциянын алкагында мамлекет чет элдик жарандарды контракт боюнча аскердик кызматка өтүүгө үндөп, орус жарандыгын жөнөкөйлөтүлгөн тартипте алуу мүмкүнчүлүгүн берет", - деди Александр Бастрыкин.
Анын айтымында, 2022-жылдын биринчи жарымында эле Тажикстандын, Өзбекстандын жана Кыргызстандын 60 миңден ашык мурдагы жашоочулары Россиянын жарандыгын алышкан жана "демек, укуктарды гана эмес, аларды кабыл алган өлкөнү коргоо боюнча конституциялык милдетти да алышкан. "
