Жеңиш аянтында Садыр Жапаровду жана Камчыбек Ташиевди колдоп келген жарандар чогулушту
2066
Бишкек шаарынын Жеңиш аянтында, бүгүн, 28-апрелде, президент Садыр Жапаровду жана УКМКнын төрагасы Камчыбек Ташиевди колдоо митинги өтүп жатат.
Митингге катышкан жарандардын айтымында, митингдин максаты - өлкөнүн президенти жана УКМКнын төрагасы жүргүзүп жаткан саясатты колдоо. "Ооба, каталар кетип жатат, бирок эч нерсе кылбаган киши гана жаңылбайт. Эң негизгиси - бул алардын элге кызмат кылам деген таза жүрөгү".
Алар түрдүү митингдерге каршы жана Садыр Жапаровго убакыт бериш керек, деген пикирде.
Андан тышкары бейөкмөттүк уюмдарга каршы экенин да билдиришти.
"Биз митингге 100 адам чыгып алып жалган маалыматты таратуусун каалабайбыз, бизге тынчтык керек", - деп митингдин катышуучулары билдиришти.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/1436
