Эрдоган: Украинада тынчтыкка жетишүү келечеги жок
Түркиянын президенти Режеп Тайып Эрдоган Сочиден кайтып келери менен Украинадагы кырдаалды тынчтык жолу менен жөнгө салуу перспективасы жок экенин айтты деп билдирет Ankara Masası.
Түрк лидери белгилегендей, жаңжалдын биринчи күнүнөн тарта Түркия "тынчтык, диалог жана дипломатияны" жактап, "көйгөйдү курчуткан жок жана отко май куйган жок".
"Тилекке каршы, 1,5 жылдан бери уланып келе жаткан согуш дагы деле уланууда. Тынчтыкка жетүү горизонтто эч кандай перспектива жок", - деди ал.
Кара деңиз демилгесинин жанданышына токтолгон Эрдоган Түркиянын салымынын натыйжасында Бириккен Улуттар Уюмунун бул демилгенин жандануусуна жол ача турган жаңы долбоор даярдаганын айтты.
"Түркиянын тышкы иштер министри бул демилгенин техникалык аспектисин, жаңы сунуштар пакетин Москвага болгон иш сапарынын алкагында россиялык кесиптеши Лавров менен талкуулады. Мен Путин мырза менен бул маселени талкууладым. Мен ага кеңири баа бердим. Кыска убакыттын ичинде үмүттү актай турган жакшы жыйынтыкка жетишет",- деди.
Кошумчалай кетсек, Эрдоган Түркия Украинадагы жаңжалды жөнгө салуу үчүн ортомчулук кызматты алууга даяр экенин билдирген.
"Эгер тараптар мындай каалоосун билдиришсе, биз өзүбүздүн салымыбызды кошууга даярбыз. Ошондой эле туткундарды алмашуу жана Запорожье атомдук станциясы сыяктуу маселелерде ортомчу ролду ойной беребиз. Биздин эки коңшубузга жана биздин аймакка зыян келтиргенден көрө, эл аралык укукка негизделген адилеттүү жана туруктуу тынчтык менен бүтүшүнө тилектешпиз",-деди ал.
