"Төө-Ашуудагы" тоннелге асфальт төшөө иштери мөөнөтүнөн мурда аяктады
1816
"Төө-Ашуудагы" тоннелге асфальт төшөө иштери мөөнөтүнөн мурда аяктады. Эми жол сызыктары чийилген соң чектөөлөр алынат дейт транспорт жана коммуникациялар министри Тилек Текебаев.
"Чектөөлөр болжол менен 2-август күнү кечки саат 16:00дөн кийин алынат, азырынча мурдагы графикти кармап турабыз. Буга чейин айтылган 6-августка жеткирбей жол толугу менен ачылат", - деди министр.
Бүгүн, 1-августта дренаж казылган жердин ордуна, ошондой эле кошумча айрым жерлерге асфальт басылат.
Тоннель кызматына айлана-чөйрөнү, тоннелдин кире бериш жерлерин көрктөндүрүү боюнча тапшырма берилген. Жакынкы күндөрү иштер башталат, ал учурда унаалар үчүн эч кандай чектөөлөр болбойт.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/13749
