Жерлерди трансформациялоо жөнүндө мыйзамдарга өзгөртүүлөр киргизилди
1536
Садыр Жапаров "Кыргыз Республикасынын айрым мыйзам актыларына ("Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө", "Жер участокторун которуу (трансформациялоо) жөнүндө" Кыргыз Республикасынын мыйзамдарына өзгөртүүлөрдү киргизүү тууралуу" мыйзамына кол койду.
Мыйзам 2023-жылдын 15-июнунда Жогорку Кеңеш тарабынан кабыл алынган.
Ал инвестицияларды тартуу, транспорттук инфраструктураны өнүктүрүү жана жарандар үчүн турак жайдын жеткиликтүүлүгүн жогорулатуу максатында иштелип чыккан.
Мыйзамга төмөнкү өзгөртүүлөрдү киргизүү сунушталууда:
- сугат айдоо жерлерин Кыргыз Республикасынын аэропортторунун аймактарын кеңейтүү жана аэропорт куруу үчүн бөлүнгөн жерлерге которууга (трансформациялоого) мораторий жайылтылбайт;
- аэропортту куруу жана Кыргыз Республикасынын аэропортторунун аймактарын кеңейтүү үчүн жерлерди которууда, ошондой эле Министрлер кабинети тарабынан мамлекеттик маанидеги объекттерди куруу чөйрөсүндө жана Кыргыз Республикасынын жарандарын турак жай менен камсыз кылуунун мамлекеттик программасын ишке ашыруунун алкагында аныкталган мамлекеттик милдеттерди ишке ашырууда айыл чарба жана токой чарба өндүрүшүнүн жоготуулар жана жоготулган пайданын орду толтурулбайт.
Башкы беттеги сүрөт иллюстрациялык.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/13646
