Коопсуз күнгө күйүү үчүн жөнөкөй эрежелерди билип алыңыз

Ысык-Көлдө борбор калаанын ысыгынан качкандар көп. Жээкте эс алуу күнгө күйүү коркунучу менен коштолот. Республикалык ден соолукту чыңдоо борборунун адистери күндөн көбүрөөк пайда алуу үчүн кантип күнгө туура түшүү керектиги тууралуу айтып беришти.

Ден соолукту чыңдоо борбору күндүн жана күйгөндүн пайдасын санап берди:

• күнгө күйүү рахиттин алдын алууга көмөктөшөт жана сөөк ткандарын жана булчуңдарын бекемдейт;
• ультрафиолет нурлары организмдеги зат алмашуу процесстерин стимулдаштырат: алар серотониндин деңгээлин жогорулатат, D витаминин иштеп чыгууга көмөктөшөт;
• күнгө күйүү псориаз, экзема сыяктуу тери оорулары менен күрөшүүдө жардам берет;
• күнгө күйүү безеткилерден арылууга жардам берет;
• Акыры, күн иммунитетти жакшыртат!

"Бирок күнгө күйүү, өзгөчө ак терилүү адамдар, ДНК молекулаларынын бузулушунун биринчи белгиси болуп саналат, жок дегенде тезирээк картаюу менен, эң көп учурда меланоманын өнүгүшү менен коштолот", - деп эскертти эксперттер.

Бул кесепеттерге жол бербөө үчүн жөнөкөй эрежелерди сактоо керек:

• Ачка жана тамактан кийин дароо күнгө күйүүгө болбойт. Тамактан кийин 30-40 мүнөттөн кийин гана күнгө күйүү коопсуз болот;
• Акырындык менен күнгө күйүү маанилүү - биринчи күнү бир нече мүнөттөн баштап, андан кийин күнгө күйүүгө болгон убакытты акырындык менен узартуу керек;
• Булуттуу күндөрдө да үйдөн чыгаардан 20 мүнөт мурун күндөн коргоочу бетмай (Крем) сүйкөп коюу туура болот. Бетмайды сиңирүү керек, ал сизди жакшыраак коргой алат;
• Бетмайды эки саат сайын же көрсөтүлгөндөй жаңылап туруу абдан маанилүү;
• Кең жээктүү шляпа жана күндөн коргонуучу көз айнек тагыныңыз;
• Пляжда кол чатырларды же чатырларды колдонуңуз;
• Суу көп ичип туруңуз;
• Бир калыпта күйүү үчүн көп кыймылдаңыз;
• Эртең менен жана кечинде күн тийгенге аракет кылыңыз, саат 10:00дөн 16:00гө чейин көлөкөдө же үйдө болгонуңуз жакшы;
• Күнгө күйгөндөн кийин терини крем менен нымдап туруу керек.