Айзада Канатбекованын өлүмү. Бишкек ШИИБдин экс-жетекчиси айыптоолорду окуду

Бүгүн, 13-июлда Бишкектин Биринчи Май райондук сотунда Бишкек ШИИББинин мурдагы жетекчиси Бакыт Матмусаевдин үстүнөн соттук отурум башталды. Бул тууралуу адвокат Нурбек Токтакунов Facebook баракчасында билдирди.

Анын айтымында, Матмусаев оор кесепеттерге алып келген шалаакылык беренеси боюнча айыпталган.

"Соттолуучу өз күнөөсүн толук мойнуна алган жок. Эки күбө суракка алынды. Кийинки соттук отурум 25-июлда болот. Келип колдоп бериңиздер, болбосо милициянын күбөлөрүнүн көрсөтмөлөрү бүдөмүк болуп баштады", - деп жазган жактоочу.

Эске салсак, Бакыт Матмусаев жана анын орун басарлары Айзада Канатбекованын өлүмү боюнча коомчулукта нааразылык жараткандан кийин кызматтан алынган. Кийинчерээк Матмусаев укуктук камсыздоо бөлүмүнүн башчысы болуп дайындалган.

***

27 жаштагы Айзада Канатбекова 2021-жылдын 5-апрелинде уурдалган. Кыздын жакындарынын айтымында, кайрылуудан кийин биринчи жолу милиция активдүү болбой, массалык маалымат каражаттарына жарыялангандан кийин гана активдүү издөө иштери башталган. 7-апрелде ала качкан адамдын унаасы шаардын сыртынан табылган. Анда зордукталган жана өлтүрүлгөн кыз болгон жана аны уурдаган адам өз жанын кыйган. Бул резонанстуу иш боюнча өзүн өлтүргөн адамдын беш шериги адам уурдоо боюнча соттолуп, бир катар милиция кызматкерлери дисциплинардык жазага тартылды. Кыздын үй-бүлөсү катаал жазаны талап кылып келет.