Өзбекстанда мөөнөтүнөн мурда президенттик шайлоо өтүп жатат

Өзбекстанда мөөнөтүнөн мурда президенттик шайлоодо добуш берүү үчүн шайлоо участкалары ачылды. Алар жергиликтүү убакыт боюнча саат 08:00дөн 20:00гө чейин иштешет.

Өзбекстандын БШКсы шайлоо эл аралык стандарттарга ылайык жана мыйзам бузууларсыз өтүп жатканын билдирди.

Бул президенттик мөөнөттү беш жылдан жети жылга узартуу боюнча Конституцияга өзгөртүүлөр киргизилгенден берки биринчи шайлоо. Конституциялык мыйзамга ылайык, бул кызматка экинчи мөөнөткө азыркы мамлекет башчысы Шавкат Мирзиёев кайрадан талапкер боло алат. Жаңыланган Конституция дагы 2030-жылы кайра шайланууга мүмкүнчүлүк берет.

Эксперттер Өзбекстандын эң ири либералдык-демократиялык партиясы (УзЛиДеП) көрсөткөн 65 жаштагы Мирзиёевди фаворит деп эсептешет. Ал ИДПны эки эсеге көбөйтүп, билим берүүнү, саламаттыкты сактоону жана сууну үнөмдүү пайдаланууну убада кылууда.

Тышкы саясатта Мирзиёев Борбор Азиядагы кызматташтыкты жаңы сапаттык деңгээлге чыгарууну, ал эми коопсуздук тармагында 2030-жылга чейин дүйнөдөгү туруксуз кырдаалда армияны эң заманбап курал-жарак жана аскердик техника менен камсыздоону сунуштоодо.

Жеңиш үчүн талапкер 50 пайыздан ашык добуш алышы керек. Шайлоо босогосу 33 пайызды түзөт.

БШКнын маалыматы боюнча, 20 миллионго жакын адам добуш бере алат, 14 округдук шайлоо комиссиясы түзүлүп, 10784 шайлоо участкасы ачылган. 600 миңдей жаран 28-июндан 5-июлга чейин мөөнөтүнөн мурда добуш беришкен.

Чет өлкөдөгү өзбектер үчүн 39 өлкөдө 56 стационардык шайлоо участкалары иштеп жатат.

Шайлоону 2000дей журналист, анын ичинде 250дөн ашуун чет элдик маалымат каражаттарынын өкүлдөрү чагылдырууда.