Лепс Кыргызстан, Казакстан, Өзбекстандагы концерттердин токтошу тууралуу билдирүү жасады
Григорий Лепс "Moskva Speaks" радиосуна курган маегинде Кыргызстанда, Өзбекстанда жана Казакстанда концерттеринин токтотулушу анын "Россиянын атайын операциясына болгон позициясына" байланыштуу экенин айтты.
"Ал жактагылардын көбү нормалдуу адамдар, кээ бир ашынган солчулдар же ашынган оңчулдар бир ууч - аларга 20 доллардан төлөп берген, ошондуктан алар аракет кылып көрүүгө кубанычта. Бирок, жалпысынан мага баары бир", - деди ырчы.
"Мындан тышкары, алар өз өлкөсүнүн кожоюндары, бирөөнү киргизгенге да, бирөөнү киргизбегенге да укуктуу. Бирок мунун музыкага эч кандай тиешеси жок, музыка саясаттан тышкары болушу керек. Менин билишимче, аларга менин "Россиянын атайын операциясына" байланыштуу оюм жакпай жатса керек. Эртең мага дүйнөдөгү бардык жерлерге саякаттап, ырдоого тыюу салынса, мен өз өлкөмдө гана иштегениме сыймыктанам жана кубанам", - деп кошумчалады ал.
