"Салык чек" лотереясынын бүгүнкү оюну белгиленген убакытта башталган жок. Себеби
Бүгүн, 29-июнда "Чек талап кыл – байге утуп ал!" лотереясынын түз эфири башталар алдында үнгө байланышкан техникалык көйгөйлөр жаралды. Мындан улам саат 14:00дө убада кылынган түз эфир болбой калды.
Учурда техникалык адистер эфирдин көйгөйсүз өтүшү үчүн үндү оңдоп жатышат. Алар көйгөй интернеттин сапатында жана ылдамдыгында экенин билдиришкен.
Саат 16:00гө карата мүчүлүштүктөр жоюлуп, утуштарды ойнотуу дээрлик 2 саатка кеч башталды.
Эске салсак, 26-июндан 30-июнга чейин 100 iPhone14, 100 смартфон, 30 ноутбук жана төрт Dyson сыйлыктарынын жеңүүчүлөрү күн сайын түз эфирде аныкталат.
Оюндар Салык кызматынын Facebook жана YouTube баракчаларында түз эфирде көрсөтүлөт.
Негизги иш-чара 1-июлда "Ала-Тоо" аянтында өтүп, анда 10 электромобил жана чет өлкөгө 3 жолдомо ойнотулат. Иш-чара эстрада жылдыздарынын катышуусундагы шоу-концерт менен коштолот. Мындан тышкары көрүүчүлөр үчүн гана 15 смартфон ойнотулат.
