БШК Ленин районундагы шайлоону жараксыз деп тапты
Бүгүн, 16-июнда Борбордук шайлоо комиссиясы Ленин району боюнча Жогорку Кеңештин депутатын шайлоонун жыйынтыгын жараксыз деп тапты. Мындай чечимди БШК мүчөлөрү жыйында кабыл алышты.
Буга шайлоонун жыйынтыгы себеп болгон, алар өткөнү менен, андан кийин кылмыш иштери козголгон. Мыйзамга ылайык, округда кайталап шайлоону Борбордук шайлоо комиссиясы дайындайт. Кайра шайлоонун мөөнөтү азырынча белгисиз.
28-майда №26 Ленин бир мандаттуу шайлоо округу боюнча Жогорку Кеңештин депутаттыгына кезексиз шайлоо өтүп, анда Дамира Ниязалиева көпчүлүк добушка ээ болгон (35,83%). Бирок Ички иштер министрлиги добуштарды сатып алуу фактысы боюнча иш козгоп, Ниязалиеванын штабында тинтүү жүргүзгөн. Талапкер өзү шайлоочуларды сатып алганын кескин четке какты. БШК аны кылмыш жоопкерчилигине тартууга макул болду.
