Активист Эмил Бекиев алты жылга эркинен ажыратылды
2022-жылдын сентябрь айында активист Эмил Бекиев социалдык тармактарга кастыкты козуткан билдирүүлөрү үчүн кармалган. Биринчи Май райондук соту аны алты жылга эркинен ажыратты. Өкүм Жогорку соттун сайтында жарыяланды.
"Анда, активист Facebook социалдык тармагындагы жеке баракчасын каттап, анда болжол менен 2022-жылдын январь айынан баштап "Кыргыз Республикасындагы коомдук-саясий кырдаалды туруксуздаштырууга багытталган чагымчыл видеолор жана улуттук, расалык же диний кастыкты козутууга багытталган билдирүүлөр системалуу түрдө жайгаштырылган. Анда белгиленген тартипти жана коопсуздукту бузуу менен чагылдырылган видеокайрылуулар жана активдүү баш ийбөөчүлүккө чакырыктар менен видеотасмалар да болгон", - деп айтылат маалыматта.
Бекиев өзү соттун өкүмүндө көрсөтүлгөндөй, сот отурумунда күнөөсүн толук мойнуна алган жок. Активист белгилегендей, "ал республикадагы коомдук-саясий кырдаалды туруксуздаштырууга багытталган идеяларды айткан эмес, эч кимди бийликти күч менен басып алууга чакырган эмес, тескерисинче, элди конституциялык укуктарын пайдаланып, саясий жетекчиликке импичмент жарыялоого чакырган"
Биринчи Май райондук соту аны "Расалык, улуттар аралык, улуттук, диний аймактар аралык кастыкты козутуу" жана "Бийлик өкүлдөрүнүн мыйзамдуу талаптарына активдүү баш ийбөөгө жана массалык баш аламандык уюштурууга чакыруу" беренелери боюнча күнөөлүү деп тапты. Белгиленген жазаларды жарым-жартылай кошуу менен сот биротоло алты жылдык мөөнөткө эркиндигинен ажыратуу түрүндөгү жазаны жалпы режимдеги түзөтүү колониясында өтөө менен аныктады.
