Эрназар Акматалиев менен Жоламан Шаршенбеков дүйнөлүк рейтингде биринчи орунга чыгышты

Эркин күрөш боюнча балбан Эрназар Акматалиев Бириккен күрөш дүйнөсүнүн (UWW) жаңыланган рейтингинде лидер болду.

Бул рейтинг боюнча Акматалиев 70 килограммга чейинки салмакта балбандар арасында биринчи орунду ээледи. Ал Бишкекте өткөн рейтингдик турнирде топтогон упайлардын аркасында 1-орунга көтөрүлүп, 3-орунга жетишти.

Буга чейин кыргызстандык балбан үчүнчү орунда болчу.

Бул рейтингдин лидерлеринин арасында дагы бир кыргызстандык бар – бул грек-рим күрөшү боюнча балбан Жоламан Шаршенбеков, ал 60 килограммга чейинки салмак ченинде балбандар арасында дүйнөлүк рейтингде биринчи орунду сактап калды.

Белгилей кетсек, дүйнөлүк рейтингди грек-рим, эркин жана кыз-келиндер күрөшү боюнча Бириккен күрөш дүйнөсүнүн уюму (UWW) түзөт. Жаңыланган рейтингде Кыргызстандын курама командасынын башка лидерлери да өз салмак категориялары боюнча алдыңкы 10го кирди.

Тактап айтканда, кыз-келиндер күрөшү боюнча 62 килограммга чейинки категорияда Айсулуу Тыныбекова үчүнчү орунду алса, 77 килограммга чейинки категорияда грек-рим күрөшү боюнча балбандар арасында Акжол Махмудов ушул эле орунда.

Бишкектеги рейтингдик турнирдин дагы бир жеңүүчүсү - Айпери Медет кызы (76 килограммга чейин) сегизинчи орундан жетинчи орунга көтөрүлсө, коло байге ээси Мээрим Жуманазарова үч тепкичке көтөрүлүп, 68 килограммга чейинки категорияда 12-орунда келе жатат.

Рейтингдин алдыңкы ондугуна эркин күрөшчүлөр Тайырбек Жумашбек уулу 61 килограммга чейинки категорияда бешинчи, Орозбек Токтомамбектов (70 килограммга чейин) сегизинчи, Арсалан Будажаров (79 килограммга чейин) жетинчи орунда турат. Грек-рим күрөшү боюнча балбандар арасында Амантур Исмаилов 67 килограммга чейинки категорияда алтынчы, Атабек Азисбеков (87 килограммга чейин) онунчу орунда.