Улуу Британиянын тышкы иштер министринин орун басары Кыргызстанга келди
Улуу Британиянын тышкы иштер министринин орун басары Лео Докерти Борбордук Азиядагы аймактык турунун алкагында 4-5-июнь күндөрү Кыргызстанга расмий иш сапары менен келди. Бул тууралуу Улуу Британиянын элчилигинен билдиришти.
"Бул британ министринин орун басарынын 2016-жылдан берки биринчи сапары. Максат - ансыз да бекемделген эки тараптуу мамилелерге жаңы дем берүү, ошондой эле өз ара кызыкчылык туудурган тармактарда кызматташууну кеңейтүү маселелерин талкуулоо.
Ал Бишкекте Министрлер кабинетинин жана Тышкы иштер министрлигинин жетекчилиги менен жолугуп, эки тараптуу мамилелер жана кызматташтык, аймактык коопсуздук, Афганистан жана соода, ошондой эле Улуу Британияга мүмкүн болуучу сапарларды талкуулайт.
Андан кийин Лео Докерти Казакстан менен Өзбекстанга барат", - деп айтылат элчиликтин маалыматында.
