Жалпы колдонуудагы жолдордо жүк ташуучу унаалардын жүрүүсүнө чектөөлөр киргизилди
2277
Жайкы мезгилде жалпы пайдалануудагы жолдордо жүк ташуучу унаалардын жүрүшүнө убактылуу чектөө киргизилди. Бул тууралуу Транспорт жана коммуникациялар министрлиги билдирет.
1-июндан 1-сентябрга чейин саат 10:00дөн 20:00гө чейин абанын күндүзгү температурасы 28°С жана андан жогору болгон учурда максималдуу жалпы массасы 18 тоннадан ашык жүк ташуучу унаалардын жүрүшүнө тыюу салынат. Мындай чектөөлөр жолдун катмарын сактап калуу үчүн киргизилүүдө.
Эскерте кетсек, мындай чектөөлөр 2021-жылдан баштап жай айларында киргизилет.
- Чектөө төмөнкү унааларга жайылтылбайт:
- жүргүнчүлөрдү ташуу;
- гуманитардык жардамды жеткирүү үчүн ташууларды жүргүзүү;
- тез бузулуучу тамак-аш азыктарын жана кооптуу жүктөрдү ташуу;
- габариттүү жана оор жүктөрдү атайын берилген уруксаттын негизинде ташуу;
- жалпы пайдалануудагы автомобиль жолдорун курууга, реконструкциялоого, реабилитациялоого жана күтүүгө Транспорт министрлиги тарабынан тартылган жол органдары жана подряддык уюмдар.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/12704
