Эмне үчүн футболдун жаңы машыктыруучусу менен бир жылга гана келишим түзүлдү?
Кыргызстандын футбол союзунун президенти Медербек Сыдыков жаңы башкы машыктыруучу словакиялык Штефан Таркович менен эмне үчүн келишим бир жылга гана түзүлгөнүн айтып берди.
Сыдыковдун айтымында, бул Кыргызстанга футболго алыскы чет өлкөдөн машыктыруучу чакыруунун биринчи тажрыйбасы. "Александр Сергеевич (Крестинин) кыргыз футболуна чоочун киши эмес болчу, ал "Нефтчиде" иштеп, ичинен билген, бирок аны менен да башында эки жылга келишим түзүлүп, кийин узартылган.
Тарковичке байланыштуу КФУнун президенти быйыл күзүндө Кыргызстандын курама командасы кийинки дүйнөлүк чемпионатка тандоо оюндарын баштарын белгиледи.
"Улуттук команда алты гана оюн өткөрөт, андан кийин аны менен келишимди келечекте узартуу керекпи же жокпу көрөбүз", - деди Сыдыков.
Ал белгилегендей, машыктыруучунун алдында дүйнөлүк чемпионатка тандоонун кийинки баскычына улуттук кураманы алып чыгуу милдети турат.
