Түркиядагы шайлоо. Добуштардын 98% саналгандан кийин талапкерлердин бири да 50% алган жок
Түркияда жекшемби күнү өткөн президенттик шайлоодо талапкерлердин бири дагы биринчи айлампада жеңишке жетишүү үчүн зарыл болгон 50 пайызды ала элек. Добуштардын 3 пайызы эсептеле элек. Эгер талапкерлердин бири 50 пайыз добушту ала албаса, жеңүүчү 28-майда 2-турда аныкталат.
Бюллетендердин 98,38% саналгандан кийин Режеп Тайип Эрдоган 49,34% добушка ээ болду. Анын негизги атаандашы 45% менен алты партиядан турган "Улуттук альянстан" талапкер Кемал Кылычдароглу. Президенттикке дагы бир талапкер Синан Оган 5,23% алды. "Ата-Мекен" партиясын жетектеп, 11-майда талапкерлигин алып салганын жарыялаган Мухаррем Инже дагы эле 0,43% добуш алды.
Экинчи турдун болору дээрлик бардык социологиялык сурамжылоолордо алдын ала айтылган, бирок көпчүлүгү жарышта биринчи орунду Эрдоганга эмес, Кылычдароглуга беришкен.
Түркиянын Жогорку шайлоо кеңеши шайлоонун алдын ала жыйынтыгын жарыялай турганын убада кылды. Акыркы жыйынтыктар 19-майда расмий гезитте жарыяланышы керек.
