Милиция чагымчыл чакырыктарды жасаган деген аялды кармады
2261
Милиция кызматкерлери Марипа Алыйкулова аттуу айымды кармады. Ал чагымчыл чакырыктарды жасоого шектелгенин Kaktus.media сайтына күч түзүмдөрүнөн билдиришти.
Айтымдарында, ИИМдин тергөө кызматына Экстремизмге жана мыйзамсыз миграцияга каршы күрөшүү кызматынан M.M.A. аттуу колдонуучу социалдык түйүндөрдө "бийликти күч менен басып алуу, башкача айтканда, өлкөдөгү коомдук-саясий кырдаалдын туруксуздугуна алып келе турган массалык баш аламандыкка чакырыктарды камтышы мүмкүн" деген билдирүүлөрдү таркатып жаткандыгы кабарланган.
Анын негизинде экспертизалар дайындалып, "Бийликти күч менен басып алууга ачык чакыруу" беренеси боюнча кылмыш иши козголгон.
12-майда Марипа Алыйкулова кармалып, Бишкек ШИИБдин убактылуу кармоочу жайына киргизилген.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/12215
