Бишкектеги мектептерге, университеттерге кайрадан бомба тууралуу билдирүү түштү
2634
Бишкектеги бир катар мектептер бүгүн, 26-апрелде кайрадан жардыруучу зат бар деген билдирүү алышты. Бул тууралуу Kaktus.media сайтына окурмандар кабарлашты.
Саат 9:00гө карата №33, №67 мектептин кызматкерлери менен окуучулары эвакуацияланышты. Андан кийин №4, №27, №51, №52, №59 жана жеке менчик Oxford, "Рефал", "Тенса" билим берүү мекемелеринде да эвакуация болуп жатканы кабарланды.
Кийинчерээк К.Карасаев атындагы Бишкек мамлекеттик университетинде, Кыргыз улуттук университетинде да эвакуация болуп жатканын милициядан ырасташты.
Эске салсак, апрель айында эле Бишкектеги мамлекеттик жана жеке менчик мектептердин электрондук почтасына бомба тууралуу бир нече билдирүүлөр түшкөн.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/11835
