Лейлекте 96 үй-бүлөгө 100 миң сомдон берилди
Лейлек районунда 96 үй-бүлөгө 100миң сомдон тапшырылды. Президенттин Баткен облусундагы өкүлчүлүгүнөн билдиришкендей, бул каражаттар социалдык келишимдин негизинде аз камсыз болгон үй-бүлөлөргө бир жолу берилет.
Мамлекеттик бул долбоордун максаты - аз камсыз болгон үй-бүлөлөрдү оор турмуштук кырдаалдан чыгуусуна түрткү берүү жана эмгекке тартуу менен үй-бүлөлөрдүн жашоо сапатын жакшыртуу болуп саналат.
"Үй-бүлөгө көмөк" мамлекеттик жөлөк пул алуучу үй-бүлөлөрдүн эмгекке жарамдуу жарандары бул каражатты пайдаланып, ишкерликтин ар түрдүү багыттарында өз алдынча иштеп, үй-бүлөлүк кирешесин кеңейте алат.
Натыйжада алар жакыр үй-бүлөлөрдүн катарынан чыгат.
Белгилей кетсек, буга чейин 100 миң сомдон социалдык жардам алган үй-бүлөлөрдүн ишкерлигинин алкагында өндүргөн продукцияларынын көргөзмөсү болду.
