Владимир Зеленский мусулман аскерлери менен ооз ачарга катышты
Украинанын президенти Владимир Зеленский жума күнү Рамазанды майрамдап жаткан украиналык мусулман жоокерлер менен ооз ачарга катышты. Ал жыл сайын бул "урмат көрсөтүүнүн жаңы салты" болот деген. Бул тууралуу CNN маалымдады.
Крым татарларынын бирдиктүү жогорку аткаруу жана өкүлчүлүк органы болгон Межлистин жетекчилери, мусулман өкүлдөрү катышкан кечки сый тамактын катышуучуларына кайрылып, Зеленский мусулман коомчулугуна ыраазычылык билдирген.
Анын айтымында, Рамазан айы "Украинанын бардык жеринде – алтургай фронтто, атүгүл согуштук шарттарда да урматталат".
2021-жылдын февраль айында Москва эч кандай себепсиз басып алгандан бери Украина мурда 2014-жылы Москва аннексиялап алган жана учурда Кремлдин көзөмөлүндө турган Крымдагы орус позицияларына бир нече жолу сокку урду.
Зеленский бир нече жолу Крымды бошотууга убада берип, ал "украин элинин жана коомунун бир бөлүгү" бойдон калууда деп эсептейт.
Ал ошондой эле Россиянын Крымдагы мусулмандарга карата мамилесин сынга алды.
