Россиядагы МГИМОго окугусу келгендер 12-апрелден тартып документтерин тапшыра алышат
Кыргыз Республикасынын Тышкы иштер министрлиги (КР ТИМ) 2021-2022-окуу жылдарына карата Россия Федерациясынын Тышкы иштер министрлигинин Москва мамлекеттик эл аралык мамилелер институтуна (МГИМО) 2021-жылдын 12-апрелинен тартып 14-майына чейин бакалавриат жана магистратура программалары боюнча Кыргыз Республикасынын жарандарынын документтерин кабыл алуу башталгандыгы жөнүндө жарыялайт.
Конкурстук тандоого Кыргыз Республикасынын жарандары гана катыша алат. Абитуриент бир окуу багытына гана документтерин тапшыра алат.
МГИМОго КР ТИМ сунуш кылган талапкерлер, Москва шаарына келери менен ЖОЖдун эрежелерине ылайык, орус жана чет тили боюнча тесттен өтүшөт.
МГИМОго конкурстук тандоонун эрежелери менен КР ТИМ сайтынан mfa.gov.kg жана КРнын ТИМнин Дипломатиялык академиясынын сайтынан dipacademy.kg таанышууга болот.
Конкурска катышууга каттоо жана документтерди тапшыруу онлайн режиминде КР ТИМдин Дипломатиялык академиясынын сайтында жүргүзүлөт - dipacademy.kg
| БАКАЛАВРИАТ | ||||
|---|---|---|---|---|
| № | Факультет | Багыт | ЖРТ | Орундардын саны |
| 1. | Эл аралык мамилелер | Эл аралык мамилелер | Негизги тест, тарых жана англис тил боюнча предметтик ЖРТ тести | 2 |
| 2. | Эл аралык экономикалык мамилелер | Экономика | Негизги тест, англис тили жана математика боюнча предметтик ЖРТ тести | 2 |
| 3. | Эл аралык - укуктук | Юриспруденция | Негизги тест, тарых жана англис тили боюнча предметтик ЖРТ тести | 1 |
| 4. | Эл аралык журналистика | Чет элдик аймак таануу | Негизги тест, тарых жана англис тил боюнча предметтик ЖРТ тести | 1 |
| Жалпы | 6 | |||
| МАГИСТРАТУРА | ||||
| № | Багыт | Орундардын саны | ||
| 1 | Эл аралык мамилелер | 1 | ||
| 2 | Юриспруденция | 1 | ||
| Жалпы | 2 |
Байланышуу тел: 0(312) 62 15 23, 62 02 83, 66 01 85
