Баңгизат бар деп унааны тинтүүгө алган милициялар боюнча кызматтык иликтөө жүргүзүлөт
1584
Бишкекте белгисиз адамдар баңгизат табылды деп унааны тинтүүгө алган видео тараган. Алар өздөрүн баңгизаттарды жүгүртүүгө каршы бөлүмдүн кызматкерлери деп аташкан.
Бул окуя боюнча тергөө иштери башталганын шаардык ички иштер башкы башкармалыгынан Kaktus.kg сайтына маалымдашты.
21-мартта Бишкек шаарынын ички иштер башкы башкармалыгынын кылмыш иликтөө кызматкерлери тергелип жаткан кылмыш ишинин алкагында Гагарин жана Некрасов көчөлөрүнүн кесилишинде тергөө буйругунун негизинде ыкчам тергөө иштери жүргүзүлгөн.
Учурда ИИМдин Ички иликтөө кызматы тарабынан милиция кызматкерлеринин аракеттериндеги мыйзамдуулукту аныктоо боюнча кызматтык иликтөө иштери башталды.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://nuts.kaktus.media/11067
