"Кылмыштын мөөнөтү өткөн". Курсан Асановду прокурор жоопкерчиликтен бошотууну сурады
Бүгүн, 17-мартта Бишкектин Биринчи Май райондук сотунда ички иштер министринин мурдагы орун басары Курсан Асановдун иши боюнча соттук отурум уланды.
Сот тараптардын жарыш сөзүнө укту.
Отурумдун жүрүшүндө мамлекеттик айыптоочулар айыпталуучулардын: Ички иштер министрлигинин жетекчисинин мурунку орун басары Курсан Асановду, анын уулу Мухаммед-Али Асановду, "Чындык" гезитинин мурдагы редактору Турсунбек Бейшенбековду жана айдоочу Дамирбек Пайзылда уулун күнөөлүү деп табуу керектигин айтышты.
Бирок кылмыш ишинин мөөнөтү өтүп кеткендиктен прокурорлор аларды жоопкерчиликтен бошотууну суранынды.
Эске салсак, 2011-жылдын апрелинен бери бул кызматты аркалап келген ички иштер министринин орун басары Курсан Асанов 2019-жылдын 13-августунда ээлеген кызматынан бошотулган. Анын ордуна тергөө кызматынын жетекчиси Памир Асанов дайындалган.
Асанов "Кой-Таш окуясынан кийин кыргыз милициясынын кызыкчылыгын сатып, ишенимди жоготкон" деген негизде кызматтык иликтөөнүн жыйынтыгында кызматынан бошотулган.
Асанов отставкага кетүү боюнча комментарий берип жатып, өзүн "өлкөнүн жана абийирдин алдында таза" деп эсептей турганын билдирген.
Социалдык тармактарда кызгылт түстөгү пакет тартылган чагымчыл видео тараган. Пакет 8-августта Асанов менен Атамбаевдин сүйлөшүүлөрү учурунда жанында турган.
Ошондой эле кылмыш ишинде Курсан Асановдун "камактагы баласы" – "Чындык" гезитинин мурдагы башкы редактору, "Учкун" басмаканасынын азыркы директорунун орун басары Турсунбек Бейшенбеков, ошондой эле Асановдун уулу Мухаммед-Али, жана да Курсан Асановдун жансакчысы - Дамирбек Пайзылда уулу да бар.
