Бишкектин каратэ боюнча курама командасы эл аралык турнирде медалдарга ээ болду
Бишкек курама командасынын мүчөлөрү 2023-жылдын 23-26-февралында Фуджейра шаарында (БАЭ) өткөн WKF KARATE 1-Youth League Fujairah рейтинги боюнча эл аралык каратэ турнирине катышты.
Турнирге 66 өлкөдөн 1000ден ашуун спортчу келишкен.
14 жашка чейинки уландар арасында +55 кг салмакта күмүш медалды Бишкек шаарынын курама командасынын мүчөсү Илья Кобелев (Октябрь райондук спорт мектебинин бүтүрүүчүсү, жеке машыктыруучусу Б. Дүйшеев) алып келди. Биринчи беттешинде Катардын спортчусун 6:0 эсебинде жеңип, андан соң БАЭ турниринин кожоюндарынын өкүлүн дагы 6:0 эсебинде, үчүнчү беттешинде Хорватиянын спортчусун 6:0 эсебинде жеңген. 7:2 эсебинде финалга чыгып, египеттиктен 2:0 эсебинде утулуп калды.
55 кг чейинки уландар арасында коло медалды Явгет Матвей (Октябрь районунун спорт мектебинин тарбиялануучусу, жеке машыктыруучусу Казанов Д.) алды.
