Билим берүү жана илим министрлигинде 320 млн сом каржылык мыйзам бузуу аныкталды

Билим берүү жана илим министрлигинде 320 млн сом каржылык мыйзам бузуу аныкталды. Мындай билдирүүнү Эсеп палатасы таратты.

Тема боюнча:

Билим берүү министри кызматтан бошотулду. Анын милдетин Каныбек Иманалиев аткарат

Эсеп палатасы Билим берүү жана илим министрлигинде жана анын ведомстволук уюмдарында 2021-жылга бюджеттин аткарылышынын шайкештигине аудит жүргүзгөн.

Текшерүүнүн жыйынтыгында 320 млн 636,3 миң сомдук каржылык мыйзам бузуулар аныкталган. Анын ичинен: 308 млн 863,3 миң сомго каражаттарды сарптоодогу мыйзам бузуулар жана кемчиликтер, анын ичинде:

• 87 млн ​​665,5 миң сом өлчөмүндө эмгек акынын негизсиз төлөмдөрү;

• 7 млн ​​724,7 миң сом суммасында материалдык баалуулуктарды жана каражаттарды негизсиз эсептен чыгаруу;

• негизсиз командировкалык чыгымдар 134,1 миң сомду түздү;

• казыналык системаны менен атайын каражаттарды пайдалануу 6 млн 689,2 миң сомду түздү;

• курулуш-монтаждоо жумуштарынын көлөмүн ашыра баалоо 4 миллион 717,9 миц сомду түздү;

•  бюджеттик каражаттарды максатсыз пайдалануу 48 млн 417,5 миң сомду түздү;

• жашырылган дебитордук жана ашыкча кредитордук карыз 47 млн ​​747,5 миң сомду түзөт;

•  башка деңгээлдеги бюджеттерде турган мекемелерге республикалык бюджеттен бөлүнгөн каражаттар 105 млн 766,9 миң сомду түзгөн.

Бюджеттик резервдер жана жоготуулар 819 млн 73,8 миң сомду түзсө, анын 106 млн 480,3 миң сому калыбына келтирилүүгө тийиш. Текшерүүнүн жүрүшүндө 100 млн 286,5 миң сом калыбына келтирилип, 6 млн 193,8 миң сому калыбына келтирилген эмес.