Бишкекте бир нече маршрутканын каттамы бир айга өзгөртүлөт
Бишкекте бир катар коомдук транспорттордун каттамы өзгөрөт. Шаардык мэриянын басма сөз кызматынан билдиришкендей, айрым көчөлөрдө курулуш-монтаждоо иштери жүргүзүлөт.
Белгилүү болгондой, Асаналиев көчөсүнүн Л.Толстой көчөсүнөн Москва көчөсүнө чейинки бөлүгүндө канализация коллектору курулат.
Буга байланыштуу 19-февралдан 19-мартка чейин №222, 260, 107, 204, 227, 176, 161, 133, 136, 135, 134 кичиавтобустук каттамдарынын кыймылдары өзгөрөт.
"Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаменти келтирилген ыңгайсыздыктар үчүн кечирим сурайт. Ошондой эле шаар тургундарынан алдын ала альтернативдүү жолдорду тандоону өтүнөт", - дешет мекемеден.
Канализация коллекторунун курулушу "Бишкек шаарынын суу менен камсыздоо жана канализациясын реабилитациялоо" долбоорунун 2-фазасынын алкагында жүргүзүлүүдө.
