Министр Бообек Ажикеев башында турган куткаруучулар тобу Түркияга кетишти

Коом

1895

13 февраль 2023 18:00

Негизги жаңылыктар кыскача Telegram каналында

Президент Садыр Жапаровдун тапшырмасы менен Түркиядагы жер титирөөнүн кесепеттерин жоюуга жана издөө-куткаруу иштерине катышуу, жабыркагандарга жардам көрсөтүү үчүн кошумча 100 кутаруучу, 6 медицина кызматкери, 25 чатыр, 1 чатыр талаа госпиталы, 160 боз үй даярдалган.

Алардын бир тобу кечээ, 12-февралда жөнөтүлдү. Тагыраагы, 80 куткаруучу, 3 дарыгер жана 78 боз үй менен боз үй тигүүчүлөр Түркияга жөнөтүлдү.

Сүрөт: ӨКМнын маалымат кызматы

Ал эми бүгүн, 13-февралда Түркиянын жер титирөө болгон аймагына өзгөчө кырдаалдар министри Бообек Ажикеевдин жетекчилиги менен 35 адам, анын ичинде 3 дарыгер, 3 боз үй тигүүчү, куткаруучулар учуп кетишти. Мындан сырткары 49 боз үй, мобилдүү кийиз үй жана медикамент түрүндө гуманитардык жүк жөнөтүлдү.

Эске салсак, буга чейин Кыргызстандан Түркияга жер титирөөнүн эртеси күнү, 7-февралда 67 куткаруучу жана издөө иштерине үйрөтүлгөн 2 ит жөнөтүлгөн.

Түркия жана Сириядагы кыйроолорго алып келген жер титирөө (57 статей)

Түркия жер титирөөдөн 105 миллиард доллар чыгым тартты

17 Март 2023, 20:00

Түркияга берилген боз үйлөрдө окуучулар сабак окуп жатышат

13 Март 2023, 16:51

Түрк элине чогулган жардам дээрлик 99 миллион сом болду

9 Март 2023, 10:45

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.

url: https://nuts.kaktus.media/10319