Кыргызстан Борбор Азиядагы кылмыштуулуктун деңгээли боюнча "лидер" деп табылды
Кыргызстан кылмыштуулуктун индекси боюнча 142 өлкөнүн ичинен 38-орунда турат. Бул тууралуу Numbeo аналитикалык агенттиги жарыялаган маалыматтарда айтылат.
Индекс боюнча биринчи орунду Венесуэла ээлеп, жашоо үчүн эң кооптуу өлкө деп таанылган. Экинчи орунда Папуа-Жаңы Гвинея, үчүнчүдө Афганистан турат. Алардан кийин Түштүк Африка жана Гондурас турат.
Кыргызстан Борбор Азиядагы кооптуу өлкө деп табылып, дүйнөлүк индексте 38-орунда турат. Бул Кыргыз Республикасында кылмыштуулуктун деңгээли орточо дегенди билдирет.
Казакстан Борбордук Азиядагы кылмыштуулук боюнча экинчи орунда – дүйнөлүк индексте 48-орунда. Үчүнчүдө Өзбекстан турат. Бирок дүйнөлүк рейтингде 104-орунду ээлеген.
Белгилей кетсек, Тажикстан менен Түркмөнстан индексте көрсөтүлгөн эмес.
Жашоо үчүн эң коопсуз жерлер Катар жана Бириккен Араб Эмираттары деп табылды. Ошондой эле кылмыштуулуктун төмөн деңгээли Тайванда, Мэн аралында, Оманда, Швейцарияда, Гонконгдо, Японияда, Арменияда, Словенияда жана Исландияда байкалган.
Сүрөт иллюстрациялык.
