Ичүүчү суу менен саркынды суунун тарифин жогорулатуу каралууда. Сунушталган баа

Бишкек шаардык мэриясы ичүүчү суу менен саркынды суулардын тарифин жогорулатуу токтом долбоорун коомдук талкууга койду.

Сунушталган документке ылайык, суунун 1 куб метри үчүн төлөм төмөндөгүдөй:

• калк үчүн - 10,45 сом (учурда 8,10 сом);
• бюджеттик уюмдар үчүн - 12,95 сом (учурда 9,10 сом болчу);
• башка керектөөчүлөр үчүн - 18,5 сом (учурда 13 сом).

Саркынды суунун 1 куб метри үчүн:

• калк үчүн - 3,45 сом (учурда 2,30 сом);
• бюджеттик уюмдар үчүн - 4,5 сом (учурда 3 сом);
• башка керектөөчүлөр үчүн - 9 сом (учурда 6 сом).

Ошондой эле көп кабаттуу үйлөрдүн жашоочулары үчүн жалпы пайдалануудагы суу түтүктөрүн жана канализация тармактарын тейлөөгө 15,10 сом сунушталууда. Төлөм жылына бир жолу алынат.

Тема боюнча:

Акылбек Жапаров ичүүчү суунун тарифин жогорулатуу зарылдыгын айтты

Документте ичүүчү сууга жана канализацияга тарифтерди көтөрүү зарылчылыгы бир катар себептерден келип чыкканы белгиленет:

• учурдагы тарифтер эскирген насостук жабдууларды, жүк ташуучу атайын техникаларды жаңылоого, ошондой эле суу түтүктөрүн жана канализация тармактарын реконструкциялоого, ички суу түтүк канализация тармактарын профилактикалык жана авариялык оңдоолорду жүргүзүүгө мүмкүндүк бербейт;
• каражаттын жетишсиздигинен жана электр энергиясына, күйүүчү-майлоочу майларга, атайын формага болгон баанын жогорулашына байланыштуу "Бишкексууканал" ишканасы чыгашага учурай баштайт;
• ишканадагы финансылык кыйынчылыктардан улам ар кандай аварияларды жоюуга жарандардан түшкөн кайрылуулардын саны өсүүдө (жылына 16 миңге жакын арыз).