Бишкекте айрым кафелер тойлорду, куран окутууларды өткөрүүдөн баш тартты
Бишкектеги айрым чайкана, кафелер той-топурларды, куран окутууларды өткөрүүдөн баш тартышты. Мындай маалыматты бүгүн, 2-февралда борбор калаа башкармалыгынан кабарлашты.
Белгилүү болгондой, Ленин жана Свердлов райондук акимчиликтеринин өкүлдөрү "Жибек-Жолу", "Фаризат", "Мансур" кафелеринин, "Гранат" чайканасынын, "Ават" банкет залынын жана башка ири кафелердин өкүлдөрү менен жолугушуп, келишим түзүштү.
Келишим боюнча, ысырапкорчулук менен коштолгон үй-бүлөлүк иш-чараларды, диний жөрөлгөлөрдү, курман болгондордун жаркын элесине арналган эскерүү ырым-жырымдарын өткөрүүнү пландаган жарандарга кызмат көрсөтпөө талаптары коюлган.
Сүйлөшүүлөрдүн жүрүшүндө кафе-ресторандардын өкүлдөрү президенттин "Кыргыз Республикасында үй-бүлөлүк салтанаттарды жана сөөк коюу каада-салттарын жөнгө салуу чаралары жөнүндө" жарлыгын ишке ашырууга багытталган акимчиликтин иш-чараларын колдошту.
Ишкерлер мечиттердин имамдарын чакырып, диний жөрөлгөлөрдү, Орозо маалындагы ооз ачуу сыяктуу иш-чараны уюштурууну каалаган адамдарга түшүндүрүү иштерин жүргүзүүсунушун айтышты.
